اهم الانباء عن موت الشهيد

اهم الانباء عن موت الشهيد
كلامنا انهارده عن موت شهيد. مش كلام شعر او اناشيد
لحظة صعبه لما تيجى تكتب . تكتب عن موت شهيد وناس بتموت وناس فاكره ان اللى حصل هيعدى وهيفوت. لالا والف لا
تعالوا نحكى عن الشهيد .................... شهيد رايح يوم العيد.
يحضر القداس مع صحبه وجاره اللى جنبيه .
خلص القداس واتناول من السر العظيم.
ودار الحوار بين الشهيد وصحبه وجاره اللى جنبيه .
رايحين فين يوم العيد؟
رايحين نلعب ونقضى وقت سعيد . وانت رايح فين؟
لااااااااا.
انا رايح ............ وفجأة وسط الزحام ووسط تجمع المسيحين
يسمع صوت ضرب النار شمال ويمين.
وصحبه وجاره اللى جنبيه يعرف فين رايح ويقولة يا بختك مع المسيح
اصلهم شافوه ماشى قدامهم بس الفرق انه كان ماشى لفوق رايح عند صاحب العيد .
وفجأه تتحول الابتسامه لصرخه حزن وانين .
ويستمر الصراع وضرب النار على المسيحين.
وام الشهيد مستنيه فى البيت محضره احلى وجبه لليله العيد.
لكن ياعينى على ام الشهيد دمعه سايله على خدها لما جلها خبر ابنها
وبره فى ضرب نار وامواج رصاص وزحام جبار .

نحكى ونشوف عن طار بين البنى ادمين .
واللى يموت شاب لسة على حياته طريق طويل. يموت والبسمة والامل على شفتيه. يموت لحظة ميلاد المسيح.
والاعلام المصرى العظيم ........ يعيش الاعلام المصرى ويحيى مهرجان الاستهبال
ناس فرحانه وعامله زعلانين
وناس الدمعه فى عنيهم ومحتارين بين اللى بيحصل واللى فى التليفون سامعين
الامن موجود . لالالالالالا مش موجود لا ده كان موجود
والمرة التانية فى قناه تانية نسمع كلام ان الانبا كان مطلوب
وفى مكان تانى على برنامج تانى نسمع تليفون هاتفى من الانبا ويقول اصل انا
كنت مقصود والتهديد ده كان فى رساله قبل الموت. موت مين؟؟؟ موت الشهيد..
والكارثة والمصيبة لما تسمع الانبا فى قناه غريبة يقول ان الكلام ده مش معقول
ده الامن كان موجود وانا معرفش مين المطلوب
هو انا نبى ولا اله ... ولا انا دجال واعرف الغيب ولا اللى فى البال . واللى بيتقال ده ملهوش دليل .
ونسيب الاعلام اصله غلبان .
وتعالوا نشوف بيت الشهيد تعالوا نشوف دمع العين والحسره والانين ولما جينا نعزيهم لقيناهم بيحمونا ومن الرصاص مستخبين
اصل الضرب لسة شغال والاعلام ولا على البال وحريق ونار وبيوت دمار وكل اللى بيتقال ده كلام وملهوش دليل

والامن والشرطة زيهم متلقيش
خطوه بخطوه مع المسلحين مدالهم يد العون والسلاح تحت الطلب والوسطة شغاله شمال ويمين وابواب مقفولة صعب الدخول .
تتفتح لناس سافحين والدم عندهم دايما رخيص

ومحافظ كداب . منافق ملهوش دين
خايف يقول الحقيقة يدخل ضمن المطلوبين
او من على الكرسى ينزل ويصبح ضمن المظلومين.
وتستمر الاحداث ويفضل الاعلام مغمض عنيه والكنيسة باكيه ومدمعه على ولادها اللى فى القبور متزايدين

جرجس شحاته
[ندعوك للتسجيل في المنتدى أو التعريف بنفسك لمعاينة هذا الرابط]

شكراااااااااااااااااااااااااااااااااااااااا

للاسف لا يوجد رد
من المسئولين يرد للشعب القبطى شئ مما يحدث لة من القلة القليلة الارهابيين
اللذين لا دين لهم ولا رحمة تجاة اخوة فى الوطن والانسانية فهم يريدون ان
يقلبوا الشعب بمختلف طوائفة مسلمين واقباط لمصلحتهم واهوائهم الشخصية وللاسف
باقى الشعب مغلوب على امرة وقد تعود ان ينقاد وراء القلة المتعصبة وهو
منوم تنويم مغناطيسى اجرامى ربنا على الظالم وعلى كل من يريد هدم روح
المحبة والسلام

اهم الانباء عن موت الشهيد 188c549000