يارب انا خايف

موضوع: يارب انا خايف الجمعة يوليو 10, 2009 10:11 pm

يارب : أنا خايف أوي أوي ... تعبان أوي أوي أوي

حبيبي : ليه تخاف أنا معاك صدقني
يا رب : أنا خايف من نفسي .. من الناس .. من بكره .. من الفشل .. من كل حاجه
يا أبني : أنا معك انهارده وبكره ووسط الناس ومن غير الناس وحتى في الفشل مش هاسيبك
يا رب : أنا مش نافع في حاجه حتى كلامك ماعدش بيأثر فيا
حبيبي : أنا برضه معك حتى لو أنت مش حاسس بيا أو مش فاهم أو مش شايف لأني بحبك
يا رب : بتحبني على أيه مافيش فيا حاجه صح كله غلط
يا أبني : أنا بحبك لأنك أبني أنا عارف
أنك ضعيف وتعبان وأنا بتاع التعبانين .... أنا بتاع الضعفاء صدقني حلك عندي
يا رب : أنا مش قادر أصلي ... مش عارف ... مش عاوز أنا مش نافع في حاجه
حبيبي : كفايه أنك لسه بتفكر فيا عاوزني .. بتطلبني حتى في قلبك .. أنا عارف اللي في قلبك
يا رب : مش شايف حاجه بتتغير من سئ لأسوء .. كله ظلمه .. كله غلط
ياحبيبي : أنت مش شايف حاجه من الحزن والكأبه .. أنت مش شايف أني بحبك ..
ومش شايف أني أقدر على كل حاجه أنا عارف بعمل أيه أنت بس مستعجل شويتين
يا رب : أنت كمان بالك طويل أوي وأنا تعبان
يا أبني : كل حاجه ليها وقتها صدقني وكله في الأخر ليك مش عليك بس ماتيأسش
يارب : يعني لسه في أمل ؟
يا حبيبي : الأمل عمره ما يروح بس ماتنساش صليبك وأبديتك وحاول تاني وأنا معك

هو دا بالظبط اللى ربنا بيعملو معانا

الف شكر والف حمد لك ياربى والهى ومخلصى يسوع المسيح انك ونحن فى قمة الياس والظلمة وظل الموت تفتقدنا بخلاصك وتفكر فينا وتاتى لتنقذنا من الغرق فى بحر العالم لولاك يارب لضعنا ولم يكن لنا رجاء فى الحياة الحقيقية التى فى المسيح يسوع ربنا

الللللللللللله كلام خطير ومؤثر والحوار بجد جميل
بجد ربنا يعوضك

ربنـــــــــــــــــــــــا يباركك

زائر

ربنا يبارك

» عظة غيرنى يارب بايديك اعداد مكرم فوزى