مستنينك فى منتداك الجديد يا زائر
منتدى البطل الرومانى من هنا

 

الرئيسيةالبطل الرومانىبحـثالتسجيلدخول


شاطر | 
 

 سانتا كلوز

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بوسى جرجس
عضو جديد
عضو جديد
avatar

عدد المساهمات : 15
العمل : طالبة
تاريخ التسجيل : 06/11/2009

مُساهمةموضوع: سانتا كلوز   الإثنين ديسمبر 14, 2009 4:06 am

مسرحية
الميلاد للأطفال








الشخصيات: بابا نويل – أولاد: رامى – شادى - مارينا





الفكرة: بابا نويل يشرح حكايته للأولاد




المسرحية







- ايه دا .... ايه دا ...... شايف يا رامى، شايف يا شادى
اللى انا شايفاه دا؟؟؟



- ايه يا مارينا شايفة ايه؟؟؟


- شايفة حد لابس أحمر فى ابيض جاى من بعيد، دا شكله راجل
عجوز



شادى: أنا مش شايف حاجة
خااااالص



- آهه دا دقنه طويلة قوى وبيضاااااااااا


- دا سانت كلوز يا مارينا


- سانت كلوز ايه يابنى دا بابا نويل بقوللك لابس ابيض x أحمر ودقنه بيضا وطويلة


رامى: دا شايل شنطة
كبيرة قوى على ضهره ، على فكرة بقى دا لا سانت كلوز ولا بابا نويل عارفين دا
مين؟؟؟ دا القديس نيقلاوس، انتوا مش عارفين حاجة



- مين؟؟؟ القديس نيكولاوس؟؟؟؟ بقوللك بابا نويل تقوللى
قديس؟؟؟؟؟ انت بتقول ايه يا رامى!!!



- طب بس بس آهه مقرب علينا واحنا ح نسأله وهو اللى ح
يقوللنا مين فينا اللى صح؟



شادى: أهلاً يا سانت
كلوز ازيك



مارينا (تزاحمه
الكلام): أهلاً يا بابا نويل معلهش أصله فاكرك سانتا كلوز



رامى (يصحح أخطائهم):
أهلاً بيك يا قديس نيكولاوس أنا قلت لهم ان انت القديس نيقولاوس ما صدقونيش



- بس يا شادى، بس يا رامى سيبوه هو يقوللنا هو مين؟؟؟ و ح
تشوف انه ح يطلع بابا نويل زى ما أنا قلت (وتسأل مارينا الأولاد المشاهدين
للمشاركة معهم): انتوا ايه رأيكم يا أولاد دا مين؟؟؟؟؟ ردوا بأعلى صوت : دا بابا
نويل؟؟؟؟؟؟ .......رد الأطفال / دا سانتا كلوز؟؟؟؟؟ / دا القديس نيكولاوس؟؟؟؟؟؟؟



بابا نويل: بس بس يا
أولاد أنا ح اقوللك انا مين:



أنا فعلاً بابا نويل –
مارينا: مش قلت لكم!! صدقتونى؟؟؟



وكمان انا سانتا كلوز –
شادى: هيييييييه زى ما انا قلت انا شاطر



وكمان القديس نيقولاوس –
رامى: دا انا اللى صح



- انتوا ال3 يا اولاد صح، ال3 أسامى دى هى الأسامى بتاعتى
بس يمكن أكتر اسم الناس بتنادينى بيه هو بابا نويل أو كمان سانتا كلوز لكن ما حدش
كتير يعرف انى القديس نيكولاوس



- ايه دا وايه حكاية الأسامى دى كلها؟؟ ممكن تحكيها لنا يا
بابا نويل .... قصدى يا سانتا كلوز ......قصدى يا قديس نيكولاوس..... انا اتلخبطت
مش عارف أقوللك ايه.



- بصوا يا أولادى أنا ح حكى لكم حكايتى وبالتفاصيل المملة
كمان عايزين تعرفوها؟؟؟؟؟؟ يسأل الأولاد الحقيقيين عايزين ولا مش عايزين؟؟؟؟؟؟؟؟



طيب شوفوا بقى أنا بابا
وماما بتوعى كانوا ناس أغنية قوى وكانوا بيحبوا ربنا قوى وبيعطفوا على الفقراء
والمساكين وماكانش عندهم أولاد خالص وبعد ما كبروا وعجزوا ربنا أراد انه يديهم ولد
اللى هو أنا وربونى احسن تربية وعلمونى فى الكنيسة وكنت بحب الكنيسة قوى وكنت شاطر
قوى وياما اتعذبت على ايدين الامبراطور دقلديانوس الشرير اللى كان بيجبرنا اننا
نعبد الأوثان وكان ربنا بيشفينى كل مرة.



- إيه دا كنت بتتعذب زى القديسين بتوعنا مارجرجس ومارمينا
وكدا؟؟؟؟؟



- أيوه بالضبط كدا لكن كان ربنا كل مرة بيشفينى لحد ما
الوالى مات وجه مكانه واحد تانى.



طيب انتوا عارفين كمان
انى اترشمت اسقف على المدينة بتاعتى؟؟؟؟ كان اسمها ميرا



- طيب مين اللى سماك بابا نويل والأسامى دى جت منين؟؟؟


- الناس هى اللى سمتنى بالاسم دا.


بابا نويل دى اصلاً كلمة
فرنساوى عارفين معناها ايه؟؟ معناها أب الميلاد عشان انا كنت بركب العربية بتاعتى
اللى بتجرها الغزلان بتوعى عشان افوت على الناس وقت عيد الميلاد واديلهم هدايا
احدفها عليهم من المدفأه بعد ما أحط الهدية فى شراب صوف أروح للمدفأة من غير ما حد
يشوفنى وارمى اللعب لكل الأولاد اللى لما بيصحوا بيلاقوها بيفرحوا قوى قوى.



عارفين يا أولاد انا
كمان كنت بابقى فرحان قوى لما كنت بشوف فرحة الأولاد الصغيرين دول باللعب والهدايا
وكنت بحاول انى كل سنة أديلهم الهدايا وكانوا بيستنونى كل سنة مع بداية السنة
الجديدة عشان يشوفوا هديتهم ويقولوا يا ترى بابا نويل جاب لنا ايه السنة دى



- طيب وكنت بتجيب الفلوس دى كلها منين يا بابا نويل؟؟؟


- ما انا قلت لكم أهلى كانوا أغنية وانا كنت بآخد الفلوس
دى أستعملها فى الخير وكنت بدى كمان المحتاجين



- طب وشكلك ولبسك الأحمر دا مين اللى عملهولك؟؟؟؟؟؟


- ابداً دا كان راجل رسام رسم لى صورة بالشكل دا: لابس
طرطور أحمر وبدلة حمراء وبجزمة بوت سودة طويلة وذقنى بيضة .... يعنى زى ما انتوا
شايفين هو دا الشكل اللى رسمنى بيه ومن ساعتها بقى هو دا الشكل المعروف عن بابا
نويل.



وعارفين كمان قبل ما
اجيب العربية اللى بيجرها الغزلان عارفين كنت بركب ايه؟؟؟؟؟؟ كنت بركب على حمار
طيب كان بيشيلنى وانا تخين وتقيل وكمان شايل الهدايا، كنت بتعبه معايا قوى



- يااااااه بس انت كدا بتتعب قوى يا بابا نويل


- صدقونى يا أولاد لما بشوف فرحة الأولاد الحلوين اللى
زيكم كدا بأنسى أى تعب خاااااالص وبأبقى مستنى السنة اللى بعديها عشان اعمل تانى
نفس الهدايا وأشوف فرحة الأولاد لما يلاقوا الهدايا والمفاجآت بتاعتهم. وعلى فكرة
انتوا كمان ليكوا عندى مفاجأة



- (الثلاثة
بصوت واحد): صحيح؟؟؟ ايه هى يا ترى؟؟؟؟؟



- انتوا شكلكم أولاد حلوين وبتسمعوا الكلام ومش بتعملوا
دوشة عشان كدا أنا ح أديكم كل واحد هدية من الهدايا اللى معايا عشان كل سنة وانتوا
طيببين راس السنة الجديدة 2008 بكرة ، خدوا بقى كل واحد هديته



ويتجه بكلامه للأولاد :
وانتوا كمان ما تخافوش أنا جايب لكل واحد هدية حلوة قوى ح تعجبكم و ح أديهالكم دلوقتى
بس على شرط لو لاقيتكم بتعملوا دوشة مش ح أوزع حاجة و ح أروح على كنيسة تانية يكون
فيها الأولاد هاديين عشان اديلهم الهدايا بتاعتى



ويبدأ ينزل ويوزع
الهدايا على الأولاد.
الرجوع الى أعلى الصفحة اذهب الى الأسفل
 
سانتا كلوز
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 ::  °•.†.•°المنتديــــــات المسيحية°•.†.•°  :: الخدمة و الخدام-
انتقل الى: