هدية طفل المذود

[td:0748 style="paddin

مريم	:	تعرف يا يوسف أن عيد ميلاد يسوع قرب .
يوسف	:	أه .... ده صحيح .... لكن أيه المشكلة .
مريم	:	لا أبداً ... بس .... أنت ما فكرتش هاتجيب ليسوع أيه هدية في عيد ميلاده .
يوسف	:	أه صحيح .... عدت علي دي ... بس أحنا مش معانا فلوس للهدية ... وبعدين أيه هي الهدية دي اللي ممكن نقدمها ليسوع
مريم	:	مش عارفه .... بس نفسي أفرحه .... نفسي أقدم له حاجه نفرح بيها الطفل يسوع .
( وتدخل الأم)
الأم	:	ها يا أولاد .... مش هاتستعدوا للعيد ... ها يا مريم ... عاوزه أيه في العيد السنة دي .. فستان جميل ولا ....
مريم	:	لا يا ماما .... أنا عندي طلب لو تسمحي ... العيد ده أنا مش طالبه لافستان ولا حاجة ... أنا طالبه فلوس ... أصل بصراحه يا ماما فيه صديق عزيز علي عيد ميلاده قرب ونفسنا نقدم له هدية تليق بيه .
الأم	:	وأنت يا يوسف أيه طلباتك .
يوسف	:	وأنا كمان يا ماما ... عاوز مبلغ كده يكون كويس أصل الصديق ده غالي علينا قوي ... وهديته لازم تكون حاجة حلوه تفرحه .
الأم	:	غريبة قوي يعني مش عايزين لبس عيد جديد .
( ويدخل الأب)
الأب	:	خير يا أولاد .... أنتم عندكم إجتماع ولا أيه .
الأولاد	:	لا أبداً يا بابا .... بس أحنا كنا .....
الأم	:	أصلهم مش عاوزين السنة دي لبس جديد ... عاوزين يجيبوا هدية عيد ميلاد لصديق لهم .
الأب	:	وياتري مين الصديق اللي يخليكم تستغنوا عن فرحة العيد باللبس الجديد .
مريم	:	هو بصراحة يا بابا .... صديق غالي علينا قوي ... بس لو تسمح راح نقولك بعدين ... وبعدين حضرتك تعرفه كويس قوي .
يوسف	:	يعني حنخليها مفاجأه .
الأب	:	علي العموم ... طالما أن الصديق ده أنا عارفه كويس ... يبقي مفيش مشاكل ... لبس العيد راح يجيلكم وكمان الفلوس اللي أنتم عاوزينها لهدية صديقكم ...بس لو أعرف أيه هي الهدية ومين هو الصديق الغالي عليكم ده .... علي العموم تعالي يا أم يوسف نشوف هانجيب أيه في العيد .
(ويخرج الأب مع الأم) (ويجلس الأخوان يتحاوران)
مريم	:	ياه أنا فرحانة قوي ... هايبقي معايا فلوس لهدية الطفل يسوع ... بس ياتري هو محتاج أيه ؟ .
يوسف	:	يمكن يكون محتاج لبس جديد .
مريم	:	ياه يا يوسف ده هو كاسي خليفته والكون كله .
يوسف	:	يمكن يكون محتاج عجله ...يروح بيها مشاوير يعني .
مريم	:	وبعدين يا يوسف ... ده يسوع موجود في كل مكان ... يعني مش محتاج عجله .
يوسف	:	أمال هايكون محتاج أيه يعني .... يمكن محتاج مساعده .
مريم :	:	أيه أنت قلت أيه ... محتاج مساعده .. بس هي دي .
(وتحضر مريم الكتاب المقدس من علي الطاوله وتبتدي تفتح الأيه) ويسمع صوت من الخارج كأنه صوت يسوع
(لآني جعت فأطعمتموني عطشت فسقيتموني كنت غريباً قأويتموني عرياناً فكسيتموني مريضاً فزرتموني محبوساً فأتيتم إلي )
مريم	:	عرفت يا يوسف أخوات يسوع هما يسوع نفسه ....يعني لازم نساعدهم ونفرحهم في العيد زي ما أحنا بنفرح وخصوصاً في عيد ميلاده .
يوسف	:	طب أحنا ها نبتدي أزاي ومن فين .
(ويرن جرس التليفون)
مريم	:	ألــــــــو
اليصابات	:	أزيك يا مريم .... كل سنة وأنتي طيبه .
مريم	:	أهلاً أهلاً أزيك يا اليصابات .... وأنتي طيبه .
اليصابات	:	طبعاً أنتي عارفه أن العيد قرب .
مريم	:	أه عارفه طبعاً عيد ميلاد يسوع .
اليصابات	:	طب أسمعي فيه حاجة مهمة عاوزه أقولها .
مريم	:	أيه خير.
اليصابات	:	مرثا تعبانه في المستشفي .
مريم	:	أيه معقوله بتقولي مين .... مرثا في أي المستشفي.
اليصابات	:	في مسشتفي الصباح.
مريم	:	يا حرام مسكينه .
اليصابات	:	تيجي نروح نزورها .
مريم	:	أه طبعاً .. بس لازم نتفق مع بعض حنروح أمتي وأزاي
اليصابات	:	طب أنا حاجي بعد الظهر نتفق مع بعض أوكي .
مريم	:	مستناكي النهارده بعد الظهر .
اليصابات	:	أوكي باي باي
مريم	:	باي باي مع السلامه .
يوسف	:	أيه خير مين في المستشفي .
مريم	:	دي صاحبتي مرثا تعبانه قوي في المستشفي وأكيد لازم نزورها .
اليصابات	:	ها يا مريم ....فكرتي حنروح أمتي لمرثا في المستشفي ...أيه رأيك بعد العيد علشان بكره أكيد أحنا مش فاضيين عيد بقي ... أكل ... وخروج ... وفسح.
مريم	:	لا بالعكس .... ده أنسب يوم هو بكره ... يوم العيد .
اليصابات	:	ليه معقوله يا مريم .
مريم	:	بكره عيد ميلاد يسوع ... وأكيد أحسن هدية ليه هي زيارة مرثا المريضه في المستشفي .
اليصابات	:	أه عدت علي دي .
يوسف	:	والهدية التانية ...راح نشتري لبس جديد لبطرس وأخته ونفرحهم .
سمعان	:	ياه ..... ده حيبقي أحلي عيد .
مريم	:	لازم نفرح يسوع يوم العيد ... لآنه قال (الصوت لاني جعت ....الخ) يالا نبتدي نستعد .
(وتغلق الأنوار علامة علي إنتهاء يوم ويفتح لبداية يون تاني) الأب والأم مع الأولاد وكلهم في يوم العيد
الأب	:	ها يا أولاد ...كل سنة وأنتم طيبين بمناسبة عد ميلاد يسوع .
الأم	:	وياتري فرحتم النهارده وأتبسطم .
مريم	:	مش بس أحنا اللي فرحنا يا ماما ... ده أحنا فرحنا يسوع في يوم عيد ميلاده .
الأب	:	ها يا مريم ... وأنت يا يوسف ...جبتم الهدية لصديقكم وياتري هو مين وأية الهدية .
يوسف	:	الصديق يا بابا هو يسوع نفسه ..مش النهارده عيد ميلاده
مريم	:	وهديتنا كانت زيارة لمريض في المستشفي .
يوسف	:	ولبس جديد لطفل وأخته محتاجين ...أصل الدينا برد قوي .
اليصابات	:	الحقيقة يا عمو ... دا أحلي عيد قضيته في حياتي .
أعجبنيلم يعجبني